Sen adamsyň

Sen adamsyň, gahar etmän bilmersiň,
ýöne gowy bogup ýetişseň içde,
çuňlaşdyrman ýalňyşlaryň, ýazygyň,
ýykylmasaň deň bolmadyk göreşde.

Başarmarsyň hoş habara begenmän,
käte biraz irräk bolsa-da gülmek,
käte kazy, garalawçy bolarsyň,
aňsat ýaly başga töhmetden ölmek.

Ýazgararsyň tanamaýan adamyň,
düşen çukurynyň düýbüni görmän,
ýa-da aklawçysy bolarsyň kezzap,
köne tanşyň ylgap girende türmä...

Ýykylany galdyrjaksyň ýerinden,
gelip bilmän, uzak galyp uzakda,
emma bir gün gynanarsyň özüňe,
gynananyň bagtyn görse duzakda.