KFC asyry

Olar ozal, gör, nätdiler TW-äni,
a soň internetiň gezegi geldi,
uruş gidýär beýni, ýürek üstünde,
adamyň ýa aňyň geljegi belli,
özün gorap, saklamasa ýalandan,
tanamasa ýüzi açyk galady,
ogurlatsa özün ilki gelene,
bir öwrümde hile edip, al salyp,
ýa edinip iň ýüwrügin ulagyň,
wagtyny, sagadyn berse ýuwana,
süwümsize ýa gepläne gezeksiz,
dialoga derek monolog bolsa,
gyzygy ýok bu dünýäniň ok, ýarag,
güýç geplese, ýeňse top, tüpeň sesi,
olar ozal, gör, nätdiler gazeti,
bu asyry mantygyň däl, KFC-iň.