Al-arwahyň serpaýy

Sen elleriň ýuwýan bolsaň, elbetde,
ýuwýan bolsaň ýüregiňi, beýniňi,
öýke-kine, gahar azalar ýaly,
gaçar ýaly müňkürligiň yzyna,
ýeňlär ýaly iň ozaly öz ýüküň,
garaşarsyň şeýle eder başga-da,
kimdir biri duýdurýança daş salyp,
ýa-da durmuş çalyp tutup ýakaňdan,
görkezýänçä başga, üýtgeşik ýoly,
aýyrýança ilki ene-ataňdan,
gaty gör ýa gaty görme ykbalyň
uran, urjak şarpyklaryn donuny,
serpaýyny egne atmasaň alyň.