Hakyky eziji

Asudalyk wagty, eziji döwlet
öz işini ýola goýup arkaýyn,
biraz gözün ýuman wagty pikire,
aýdylýan sözlere özüne garşy,
tankyt gerek diýen bolup ýalandan,
hondanbärsi, çişip ýören adamlar,
köçesine sygman, sygman şähere,
ýazyjymy, şahyr, alym, žurnalist,
oýnan bolup kiçigöwün, düşünýän,
döwürdeşden öňe giden adamy,
çala tupan turdy, busdular aşak,
bukuldylar biri-birin basgylap,
ýeriň pesin gözläp, gaçdylar daşa,
başgadan däl, özlerinden ozaly,
özlerini ýok etdiler, bardylar,
çykmadylar ölýänçäler daşaryk,
ýöne soňky ýola ugradan dostlar,
deň-duşlary için tutup gynandy,
sebäbi özlerin gördüler olar
her özüni diri jaýlan gidende,
agaç ata münüp, barsagelmeze,
adam, bagty çüwse dogulýar, gülýär,
bagty ýatsa ölýär öz-özün ezip.