Saýlanan ýol

Saýlanan ýol, ot gögeren ýodalar,
ýörelmedik, ýürek etmek bolan,
bizi oda, suwa saldy, ýadatdy,
ýöne öňki, köne ýoldan gidenler,
çorbanyň çorbasyn çöreksiz içip,
ýolaýyrtdan özün yza itenler,
belki, bizden beter ýadady, durdy,
ýok, hudaý däl bu ýerdäki mesele,
adamdaky adam öz-özün urdy,
geplemedi geplemeli gepini,
başga biri seplär öýdüp sepini,
öz-özüni ýordy wägirip doglan,
saýlanan ýol, ot gögeren ýa tersi,
başga zat ýok, seniň ykbalyň, oglan.