Kümsügiň tälimi

Kümsük halky urdy, gyrdy,
basyp alyp, aç-hor saklap,
taýak paýlap satylana,
dakdy boýna kanunlaryn,
ol ýaragly, sen ýaragsyz,
ol gürleýär, sen agyzsyz,
şarpyk çalsa, ýylgyrmaly,
depse, ogşap aýaklaryn,
kiçeltmeli özüň özüň,
görmeli däl töweregi,
ýaşamaly ýumup gözüň,
netijesi – ýapyk kine,
göräýmäge gülýän ýüzüň,
diňe özün iýmez müýni,
ärsumaklar aýalyny,
atasumak oglun urýar,
gyzyn urýar enesumak,
soň ogullar är çykýarlar,
bilim alan ýa almadyk,
arasynda bir-iki däl,
atalaryn urýan gelip,
şarpyk iýip başlygyndan,
kümsük ili urdy, gyrdy,
tälim berip ýaşlygyndan.