Atly we medally paýyş

Arada bir gürrüň ýaýrady oba,
dilden dile geçdi, täze komitet
döränmişin merkezinde şäheriň,
diňe kanun esasynda işleýän,
başlygy-da aýalmyşyn, ozal kän
taýak iýen adamsyndan, neşekeş,
arakhor hem işsiz, öňki milisgä
garşy durup her gün içip gelende,
soňra urup başlan ärini günde,
lepbeýguly eden gaýynatasyn,
döredenmiş indi rugsat alyp,
aýalyny urýanlary tutmagy
kär edinen komiteti, garaşsyz,
diňe BMG-ä berýärmişin hasabat,
merkezi däl indi aýal urmagyň,
baş boljakmyş goramakda Aşgabat,
erkejikler, ärsireýän öýünde,
iş ýerinde agzy ýaşmakly kileň,
hinine suw gitdi, ýumşady derrew,
janym, gülüm sözi köpeldi ozal
“heleý” diýip azgyrylýan dilleriň,
goh-galmagal, gaýtalanýan her hepde,
mugt kinosy gutaran dek illeriň,
ümsüm boldy biraz durmuş, ýaşaýyş,
ýöne bu bir arzuw eken, kän gitmän,
ata çykdy ýene medally paýyş.