Durmuş hakykaty

Barybam oturma, sorap oturma,
hiç kim hiç zat, hiç kanuny bilmeýär,
bulam-bujar edýär sorasaň beter,
bagtyň gelip, bir bilýäne duşmasaň,
okuwuny okap gutaran, garyp,
bozulmadyk maşgalada ýetişen,
ýöne olam aýdar: “Kanunda şeýle,
galanyny men bilemok, bilýärsiň,
bu döwletde kanun puluň gyrnagy...”
Bu gybat däl, hakykaty durmuşyň,
ýurdy ýykdy ene-ata, çagasyn
okatmadyk, okadany ýigrenýän,
olar köplük, bogdy üýşüp azlygy,
sesli, sessiz, elin uzadyp, çekip,
dik tutulan başy çapdylar bile,
orden aldy baş egmegi öwrenýän,
öwredýänler epilmegi, çökmegi,
döwlet boldy ýalançylyk merkezi,
arzuw boldy ýat illeriň ekmegi.