Nälet meselesi

O biriniň, bu biriniň
näletini diňlemäň hiç,
iňirdisin, hüňürdisin,
iňňildisini ýaralanyň,
öz-özüne ýara bolan,
diňlemäň hiç gargyşyny,
bolmasaňyz eziji han,
gylyjyndan syrygýan gan,
sizi tanap, ýa tanaman,
içigara, bahyl, nadan,
näme diýse diýsin daşdan,
kem agtaryp gözden, gaşdan,
beleň alar diňleseňiz,
okasaňyz ýazanlaryn,
diňe tersin, soň bolar giç,
içiňizde galar porsy,
sebäbi siz uçuň göge,
nur ýagdyryň güneş bolup,
hökman bolar gargan, sögen.