Pil hakykaty

Otagyň içinde pil ýatyr uly,
aşagynda gyzyl haly,
boýny äpet alajaly,
tanyş hemmä soňky döwür,
ne öwrülip geçip bolýar,
ne-de çykyp gaçyp bolýar,
ne oturyp bolýar uzyn
salyp argyn aýaklaryň,
ne-de ýatyp bolýar süýnüp,
açlyk, gaýgy, gussa ýaryň,
kim getirdi ony bärik,
kime gerek boldy haýwan,
kim saklaýar ot, suw berip,
a kim atýar hapasyny,
kim bogulýar porsusyndan,
azaryna däl dek kimsäň,
demiň tutup barýan ysy
tutan jaýyň için, daşyn,
iliň ýary aýdym-sazda,
galan ýarsy tutýar başyn.