Öç agzybirligi

Sen bu ýerde, şol bir ýerde,
şol bir gumy depip durman,
depip durman özümizi,
bir-biregi tutup urman,
urjak bolman, başarmasak
ýalan-ýaşryk sahna gurnap,
gülki bolup ýörmän dünýä,
birazajyk süýşäýeliň,
üýtgäýeliň diýjek bolsaň,
agzy ala, bir-birini
iýýän millet birleşer-de,
unudar-da tirelerin,
saňa garşy jemlär güýji,
görlen bolmaz ýykylaňda,
ýykylan il güler süýji,
güler gaty, gulagyň tut,
ikisi-de gapylmasyn,
il ownanda diýer bizde
hiç bir iri tapylmasyn.