Okamasyz kitaplar

Sen döwletiň oka diýýän
kitaplaryn okama hiç,
bile münüp batjak gämä,
Lenin bilen Stalini
öwen döwlet diýmez näme?

Oka diňe gadagany,
türmä düşen ýazyjyny,
şahyrlary, medaly ýok,
sylagy ýok ýalan-ýaşryk,
biljek bolsaň hakykaty,
sen döwletiň gowy diýýän
kitaplaryn okama hiç,
ýa okatma çagaňa, giç
boljagyn bil, aldap özün,
çapsyn döwlet agaç atyn,
ozsun, eger ozýan bolsa,
süri edip bakjak seni,
basgylatma basylana,
ot-ojaksyz ýakjak seni.