Samsyk derdi

Biri diýýär samsyklardan
daş durmaly, sanaşmak däl,
zaýalaman ýeke sözüň,
beýlekisi diýýär gürleş,
käte alaç bolmaz başga,
ýurduň ýesir, özüň ýesir,
basyp alan bolsa duşman,
a samsyklyk bolsa kada,
ýalançylyk bolsa moda,
diplom alsa ähli nadan,
kakasynyň arkasyndan,
kütek bolsa öňüňdäki,
bolsa bolsun näme işi,
doýur diňe süýji sözden,
“beýik” diýip, diýip “dana”,
düşünmez ol kinaýaňa,
ýaňsy bilen aýdanyňa,
çyndyr öýder, göteriler,
özi açar aýbyn günde,
ömür geçer, samsyk geçmez,
çyra ýakyp, galar tünde.