Bu-da geçer!

“Bu-da geçer” diýipdirler,
geçer, emma ýükli geçer,
ýükli geçdi öňem millet,
ýaýnan wagty, oýnan wagty,
aýnan wagty ýok kän onuň,
çagalygy geçip-geçmän,
gujagyndan ejesiniň
düşüp-düşmän ojagyna
odun daşap ulalmaly,
soň ýalançyň mekdebinde
ýalan derse gul bolmaly,
el galdyryp, aýdyp berip,
iki ýüzli taryhçynyň
ýazanlaryn bilýäniňi,
ýat tutanyň görkezmeli,
aga-gara düşünýänçäň,
ýa açýançaň ýuwaş-ýuwaş
gara ýaglyk bilen daňlan
gözleriňi, gorkman bir gün,
gaparyndan ýagty Günüň,
gal garyňa, galdyr başyň,
bu-da geçer, geçip barýar,
talap iliň soňky aşyn.