Iň uly ýalňyş

Bu iň uly ýalňyşyň bor, belki-de,
hemmelerde gowy ýürek bar diýseň,
gowy göwün, gowy niýet bar diýseň,
umyt etseň, gowulyga ynansaň,
gowy sözüň yzlamasaň yzyny,
erbet sözüň yzlamasaň yzyny,
düşünmeseň matlabyna adamyň,
guşamasaň biliň, arkaňdan urjak
ülpediňi saýgarmasaň öňünden,
azaşarsyň, ýol uzakdyr, düz ýerde,
çarkandakda, dagda, çölde, sährada,
soň yzyňy tapyp bilmän geçersiň,
odunyňy daşamasaň wagtynda,
ojagyňda soňky köz sen, öçersiň.