Bergi

Sen haçanda başga birniň ýüregin
bor-bolgusyz ýalan bilen bulaňda,
zäherleňde töhmet bilen, gep bilen,
bu aryň däl, algyň däldir alynan,
gaýtarylyp berilmedik wagtynda,
bergiň, belki, berilmeli yzyna,
prosenti bilen, bilmersiň wagtyn,
pikir etme, hasapsyz zat bolsa-da,
ahyrynda hasap ýykar şa tagtyn,
özi çözse, öljegi ýok doglanyň,
sen haçanda başga birin depeňde,
ýatda sakla, aljak hakyn oglanyň.