Samsyk öwgi

Hiç bir samsyk öwgi bilen,
hiç bir samsyk taryp bilen,
hiç bir medal, hiç bir orden,
at, dereje ýa wezipe,
ýa-da baýlyk, ogurlanan,
uly bolup bolmaz asla,
beýik adam bolup bolmaz,
meşhur eder olar, dogry,
dile düşüp, gomalarsyň,
ýöne öwgi, ýalan-ýaşryk,
gülki eder, ýeňil bolsaň,
ýa bolmasa hiç deregiň,
ulandyrsaň öňýetene,
agramyňy bilip, görüp,
öwer seni messepsizler,
binamyslar, ýüzi galyň,
nepi üçin satylanlar,
soň öýüne gelip güler,
ýapmak üçin utanjyny,
uýadyny ýapmak üçin,
çagalary bilen bile,
öwgi bilen, akly bolan,
gülki bolmaz ulus-ile.