Bize gülen

Bize gülen KGB-de,
ýa soňundan, gaçgak bolsak,
ýat illerde ýeke galsak,
ýer sermensek, açlykdan däl,
bilmeýärdi entek ýoluň
uzyndygyn, özüniň-de
ýykyljagyn, dikeljegin,
ýa galjagyn galyp bilmän,
bize gülýän, nirde bolsun,
dileg edýän, galsyn ölmän,
görer ýaly ýoluň soňun,
biler ýaly durmuş näme,
çünki adam kim-kim bilen
bile münýär şol bir gämä,
bile batýar, bile ýatýar
suw astynda, ýer astynda,
bize gülen yzymyzdan,
güýçli däldi, kän asgyndy.