Geň görmen

Seniň daşda ýalňyz, ýeke galmagyň,
dost-ýarlaryň ürküp, gaçyp, çekilip,
dogan-gardaş gypjyn-gypjyn, gorkuda,
aňlatmaýar ýekeligiň, daşlygyň,
sen bilýärsiň, ýat illerde bolsaň-da,
ertir, agşam doga edýän adyňa,
nälet okap tohumyna başlygyň,
bir, iki däl, eşidýärsiň, bilýärsiň,
diýmek, seniň ýaranyň kän watanda,
güýçlüdigiň aňladýar bu, ejiz däl,
goluň baglap, çuňňul guýa atandan,
daşyny ýaragly goradyp, günde
iki ölýän, bir däl, gorkup ýatanda,
eger ertir, bolan bolup edermen,
tapyr-tupur atdan agsa, geň görmen.