Garyplyk

Biri durýar, pyýadany
goýbermeli, ýol belgisi
dürtülip gözleriňe,
beýlekisi säginmeýär,
ýa has beter basýar gaza,
işi gyssag, belki, örän,
durmuş şeýle, ýetişmeli
işe barýar ýerden ýörän.

A pyýada görýär, durýar,
garaşýar ol, çünki bilýär,
ulag ýeten ýa ýetmedik,
her hiliräk adam bolýar.

Käbirisi sada, gowy,
pyýadany, özün sylar,
a beýleki, kän bolmasyn,
gelen ýaly almaga ar,
öçli bakar ýa-da bakmaz,
görmedik bor adamlary;
görýäň muny günde ýolda,
hemem özüň duýýaň garyp.