Gorkuzýanyň gorkusy

Seni gorkuzasy gelýäniň çyndan,
düşün isleýäniň bolmagyň ýuwaş,
hem dymmagyň ähli ýerde, ýaşmakly
ýaşamagyň iller ýaly pyşyrdap,
bilýän, ýöne bilmeýäni oýnaýan,
görýän ýöne, görmeýäni oýnaýan,
düşünmedik bolýan urulsa özi,
çagalary aç-hor bolsa, sürülse
gowaça meýdany, “ak altyn” bagty,
telewizor tapsa, guçýanyň gije
biri bolup galmagyňy isleýän,
bir däl, iki, has köp adam, belki-de,
gorkýar seniň bir gün bilip bilýäniň,
görýäniňi görkezjegiň ulusa,
ýa açjagyň aç gözlerin ölýäniň.