Daş adam

Garry çaýdan, joşup akýan kämähal,
käte suwy soňuna çen çekilýän,
emma mydam öl etmäge ýeterlik
aýakgabyň, gonjuna çen balagyň,
geçmek üçin sag-salamat her günde,
aňyrsynda iş ýeriň bar, belki-de,
ýa-da çörek dükany bar, almaly,
getirmeli, çagalaryň garaşýar,
adam bolsaň, daş gerek bor basmaga,
kesek erär, kesekçe ýok köp adam,
meger, şondan daşyn gözläp içinde,
adamlary toparlara bölerler,
urmak üçin olar bilen başgany,
üstlerinden basyp geçip mydama,
emma özi daş boljaklar az bolar,
daşmy, kesek, tanajak bol adamy.