Iki garaýyş

Biri üçin şarpyklary durmuşyň,
basdaşlaryň badaklary, enteden,
dogry, maýyp edip, öldürip biljek,
ömür boýy bahana bor gypjynyp,
gorkup, ürküp ýaşamaga, ýaşaman
geçirmäge gülden gözel günlerin,
alla bardyr diýip, ynanman oňa,
hem özüne, a günäkär başgalar,
a beýleki üçin sapak bor olar,
bu durmuşyň şarpyklary, badagy,
pyçaklary käte arkadan urlan,
öldüribem biler, ýöne aslynda
itergisi bolar durmuşyň öňe,
inkär edip inkär eden pesligi,
meslikleri mesirgetmän özüňde,
çykaran has uly ýola, tanadan
adamlary, özün özüne ilki,
biri üçin sapak durmuş, almaly,
başga üçin diňe sap atýan tilki.