Eger olar özlemese

Eger olar seni ýitirip ýolda,
gözlemese, gygyrmasa yzyňdan,
adyň tutup, aglap, ses edip käte,
ýa bir ýerde bardygyňy eşidip,
hat ýazmasa, telefonam etmese,
ýa bilmedik bolsa aman galanyň,
ýa unutsa eden, etmekçi işiň,
çykan ýoluň, maksadyňy, hamala,
ýat, kesekiň ýoly ýaly, görmese,
ýatan bolsa gündiz, oýa halyna,
gapysyny kaksaň, açmasa gelip,
ýa gygyrsaň, häsin-mäsin bermese,
unut, taşla göreşiňi il üçin,
ol il däldir, başga zatdyr bireýýäm,
eger olar seni ýitirse ýolda,
özlemese, gelme özüňi aldap.