Agşam dogasy

Kasas kyýamata galmazmyş, hudaý,
aýyranlar ýurdumyzdan agladyp,
enemiz, atamyz öldüren arda,
armanda ýaşadan uzakda, yzda
ýolumyza göz dikdirip ýakyna,
ýat, keseki namazdan soň diledi,
dilegini eşitmediň, ýaradan,
gezip ýörler kast edenler, az-küş däl,
elimizi hapalatma, jan alla,
dilimizi hapalatma, jan alla,
kemsidenler gezip ýörler erkana,
kemsinenler bolan bolýar türkana,
kast edeniň kemçiligi ýok entek,
kasas kyýamata galmasa, seret,
ýa-da bizi edýäň iň soňky tentek.