Biziň tapawudymyz

Başga ilde, ýurtda, tire-taýpada
okan zady bilen öwünýär adam,
diňe okap, düşünibem goýmaýar,
gürrüň berýär başgalara begenip,
biziňki tersine, öwünýär adam,
men ony-da okamadym hiç haçan,
men muny-da okamadym hiç haçan,
synaglardan geçdim hile, al bilen,
diýýär senem okap ýörme kösenip,
gözüň kökün gyryp, ölüp gidersiň,
kime aýtjak, düşünjek ýok barybir,
başga ilde başga-başga pikir bar,
biziň iliň syrtmagy bir, dary bir.