Arassa asmanyň aşagyndaky hapa oýun

Ýaşaýan ýerinde, ýurdunda, ilde,
obasynda, şäherinde, aç-açan
bolýan zady, bolmaýany bilmeýän,
ýa görmedik bolýan görýän zadyny,
haksyzlygy, soňy gelmez terrory,
bilýän her bir sözi bilen ýülmeýän,
ezilýäni, urulýany, naçary,
ýetim-ýesir çagalary, el serýän,
garyplygy inkär edýän utanman,
ýa-da diýýän asmanymyz arassa,
ýa samsykdyr dogabitdi, ýa soňra
jenaýat şärigi, düzelmez asla,
düşündirjek bolma gepiňi, sözüň,
ýol-yzda däl, internetde wagtyňy
ýele berip, ýorma beýniňi, özüň,
sebäbi ol diňe özün oýnanyn
az görýändir, wagtyň üýşüp ýatmasa,
ýa bu dünýä ýene geljek bolmasaň,
başga iş et, Günüň, Aýyň batmasa.