Çydamyň netijesi

Sen çydaýaň, geçirýärsiň, sebäbi
ne güýjüň bar, ne wagtyň bar baryna,
bihaýalyk baş galdyrýar bar ýerde,
öňden gelýän zatlar bular, adamlar
depesine çykarypdyr adamy,
azdyrypdyr birlerini mydama,
soň başgasyn, gezegine dur olar,
görýär, bilýär adamlaryň güýji ýok,
gaýraty ýok, islegi ýok göreşe,
ýa özüne ynanmaýar hiç biri,
ynanmaýar öz halkyna, iline,
başyn egen gara güýjüň öňünde,
ýa-da diýýär beterinden gorasyn,
ezýäni däl, özün hasaplap asy,
şeýdip beter otyr mydam ýokarda,
ejiz ilden ýasalan oň hasasy.