Zor ildeşler

Sen öz iliň şu gününden,
geşmişinden gürrüň etseň,
ýada salsaň urlan ýerin,
gyrlan ýerin ýeke galyp,
öňe gitjek sapak alyp,
aýtjak bolýan zadyň bardyr,
emma bolar aslyşanlar,
içi doly öçdür, ardyr,
uranlar däl olar ozal,
gyranlar däl olar ozal,
öz iliňden, künde, azal,
bir bolmaly doganlaryň,
duz iýişip, sözleriňi
kesä çeker, çöp oklaýan,
gep oklaýan etjek borlar,
ömür bolan, ýene bolar
il içinde şeýle zorlar.