Men-men keseli

Öňde duran edilmeli,
agyr işi gürrüň etseň,
gürrüň etseň derdin iliň,
ýa düşünjek bolsaň oňa,
gygyrmasaň, bagyrmasaň,
gelmejegi çagyrmasaň,
bilen bolup, gülen bolup,
ýok tümmege galan bolup,
beýik bolup pes halyna,
dana bolup mes halyna,
garny doýan iki günlük,
nämedigin bilmän asla,
boşuň boşy geler ylgap,
ýa uzakdan golun salgap,
alyp gaçar meseläni,
soň seretseň onda tümmek,
munda tümmek, üsti doly
gykylykçy, düşünersiň
neden erbet iliň haly.