Giç gelen akyl

Göreşden öň, söweşden öň,
deň bolmadyk darkaşlarda,
ýeke çykda, ýöre ilki,
toý-tomgudan soňra, belki,
garaňkyda, çola ýolda
kimler gelýär yzyň bilen,
kim aladaň edýär ylgap,
başyň dikkä ýa wezipäň
barka heniz uly, kiçi,
başgalaryň gözi bilen
seredip gör özüňe sen,
soňra oýlan näme edip,
nämelerden saklanmaly,
il diýilýän aýna gowy,
synla mydam hal-ahwalyn,
ynanma-da gepe, söze,
göreşden öň, söweşden öň,
seredip gör ýüze, göze.