Ýiten millet

O milletde ýa hökümet,
ýa-da şasy, başy çaşan,
ýazyjysy, şahyr bilen,
ýa-da arzan žurnalisti,
alymlary, adamlar däl,
hüjüm etse, diýse islän
zatlaryny gypynç etmän,
bir adamy kyhlap ýaman,
hiç delili bolmasa-da,
ýok edilse çynyn aýdan,
süri bolup, köplük ejiz,
egsikligin etse aýan,
gorkagy däl içindäki,
batyry has gorkar iliň,
busar aşak, gara başyn
galdyrmaga ýetmez hetdi,
meger, millet gelip-gelip,
şu pursatda öldi, ýitdi.