Açylmaýan gapy

Ilden artyk alym bolsaň,
hökümetiň zalym bolsa,
gepe-söze düşmez, adam,
ýetim, ýesir bolan uzak,
garny doýsa, gözi doýman,
öz-özüne bolup duzak,
geçen bolsa agyr ýoly,
düşün oňa, gorkusyndan
bolar däli, eder däli,
bir seni däl, tutuş ili...

Ilden artyk adam bolsaň,
hökümetiň ýadaw bolsa,
hem armasa basyp aşak,
sen galdyrsaň gara başyň,
bil, kiç kime gerek dälsiň,
gapysyny açmaz kimse,
penjireden bakmaz hatda,
näçe kaksaň eşitmezler,
adam bolsaň adam ýaly,
döwmersiň-ä aýna, gapy,
düşünersiň içerde ýok
kimsiň diýjek, ysgyn tapyp.