Aýdylan zatlar

Aýdypdyrlar garaňkyda, tümlükde
ýalňyz galsaň aýsyz gije, ýyldyzlar
jyklamaga gorkup, ýumar gözlerin,
kölegäň-de gaçar senden, uzatma,
çemen bogup, gülden näzik sözleriň,
garaşma hiç adam geler, ýetişer,
ýa oragyn berer diýip ot orsaň,
bolmaz beýle, daýan diňe özüňe,
galak borsuň gulak asyp otursaň,
pikir etme ýaralaryň bitişer,
öz-özünden gowy bolar ýol, ýoda,
ýok, bu bolmaz, bolan däldir hiç haçan,
başyň galdyr, öňe seret, yza däl,
goý, çalarsyn, gaýgy etme ak saçyň,
aýdypdyrlar, diýmek saňa çalymdaş,
az däl öňem ganyn saçan daşlara,
ne-hä gynan, ne-de ýitir wagtyňy,
ýola çykman, gülen bolýan ýaşlara.