Durmuş synagy

Çekip bolar bar sütemi ýylgyryp,
çydap bolar her neneňsi kemsitmä,
diri galsaň ahyrynda, ölmeseň,
ýöne soňra şol obada, Ahalda,
şükür, asmanymyz arassa, walla,
diýip ýene sowet oýnun oýnasaň,
baýmy-garyp, aklarmy ýa gyzyllar,
çagalykda gören kinoň ýesiri,
guly bolup galsaň türmäniň, alla,
boljak işdir, ýazdy diýip maňlaýa,
gürrüň gytmy aldamaga özüňi,
begenerdiň bolşewikler atlanyp,
eşeklini tozanyna garanda,
ýa gyranda pyýadany, çagasyn,
aýal-gyzyn edip däli-diwana,
iň esasy açmaly däl gözüňi,
görmeli däl bolsa gelen netijäň,
çydadyň nä, çydamadyň bar zada,
tapawudy näme gündiziň, gijäň?