Erksiz eziji

Eger-de sen berdim diýip ornuňy,
berlen saňa, belki, alla tarapyn,
ýa-da adamlaryň akmaklygyndan,
eýe bolan ygtyýaryň, erkiňi,
ezip bolýan, dözüp bolýan çaga-da,
agzyndaky çöregini ogurlap,
boldy, besdir diýip, berýänden bolup,
kesekä däl, iň ýakynyň - ogluňa,
ýa-da agtygyňa berip bilmeseň,
yzyňa dolansaň gidip, çekilmän,
beter etseň, çigişdirseň düwüni,
alla, birden çözülmesin diýýän dek,
seniň ornuň däldir eýelän ornuň,
orun seni eýeländir, belki-de,
ýa mal-dünýe, gazanylan her hili,
olar seni eýeländir, münýändir,
eşek ýaly, ýene ez diýip ili.