Ýaş türkmen üçin ýazylan pent

Çilim çekme, nasam atma,
arak, şerap, piwäni goý,
toý bolsa-da, iller içýär
diýip agza alma kola,
ýaşa hem ös, düşme nola,
gürrüň etme bor-bolgusyz,
ne özüň öw, ne ili döw,
endigi kän, gylygy kän,
pes adamyň ulagy kän,
ýeke-ýeke çekiçle, döw,
pes gylyga bolma dükan,
wagtyň bolsa, iki minut,
oturda-tur, elleriňi
eýläk-beýläk galgat bolman,
dadyny gör dagyň, düzüň,
begen dünýä düşse ýüzüň,
kitap oka, gowy kitap,
zir-zibili alma ele,
gaç ýa çekil, bir minut-da
göýdük bilen bolma bile,
ýa bolmasa başga dilde,
gerek dilde oka, düşün,
iki setir ýeke wagtyň,
gaýtala her sözün, üýşüp,
goşun bolar ýaly ertir,
çyk galypdan, il-günüňi
kerpiç eden ýesirlikde,
diwar eden öli janly,
maňa muny aýdan ýokdy,
özüm geldim altmyş ýylda,
dagy, düzi geçip, ýadap,
ýazdym, belki, alar diýip,
bu pendimi bir ýaş adam.