Göreşiň şerti

Sen göreşi saýlap alsaň,
däli diýer hökman biri,
loly diýer hökman biri,
emma doly diýen bolmaz,
guwanmazlar hiç işiňe,
bile ýanyp, köýen bolmaz,
köplük bolar tomaşaçy,
hemem hökman garaşarlar,
köpri gursaň, geçjekdir il,
guýy gazsaň, içjekdir il,
a soňundan at dakarlar,
guran dälsiň köpriň gowy,
guýyň suwy duzlyrakdyr,
sen göreşi saýlap alsaň,
ýek gören kän, söýen bolmaz.