Ýol goşgusy

Adamlary, saňa görä gyssanmaç,
adamlary, saňa görä dogumly,
adamlary, saňa görä köp bilýän,
ýa akylly bilýän özlerin aşa,
ýa işi kän, basyp geçjek egniňden,
adamlary, ýaryş bilýän durmuşy,
goýber, gaza basyp, gahar etme-de,
gowşat badyň, geçsin gitsin deňiňden,
ýa daşlylar, maşyn münjek has gowy,
goý, daşlaryn döksün gitsin ýeňinden,
şükür, gördüň her hilisin, saklandyň,
kime neden zaýalajak sözüňi,
howluganyň barýan ýerin bilýärsiň,
gyzyl çyra gyzardyp dur gözüni,
bes, saryda geçjek bolma ýetişip,
durmuş käte suwy joşan goja käl,
käte balyk, kä daş döker öňüňe,
iň esasy ýagşy bolsun niýet, päl.