Durmuş

Kämillikdir gaharyňy ýuwutmak,
kämillikdir kine, kitüw saklaman,
aryňy ýa öjüň alman kast eden,
ýa kemsiden, uly bolup özüçe,
adamjykdan ara açmak wagtynda,
deň bolmazlyk deňsizlere, başarsaň,
hapalaman agzyň, eliň, arassa
galyp bilseň ýeňiş, eger bolmasa,
sen birisi, ortasynda süriniň,
yza galsaň, galsaň agsakmy ýa togsaksyň,
öňe çyksaň, ozýar diýip iýerler,
kämillikdir pikir etmek azajyk,
artykmaç däl, muňa durmuş diýerler.