Il diýýänler

Eger şu gün dogry, düzüw iş etseň,
dowla düşüp, asman inip başyna,
ýa bahyllyk demliginden ýapyşyp,
geçmişiňden hapa gözlär adamlar,
dilinde il, ýurt gaýgysy bolsa-da,
at, dereje, baýlyk üçin çapyşyp,
unudarlar tanaljagyn, biljegiň,
ynanmarsyň, näçe duşman bolsunlar,
birleşerler, gömmek üçin geljegiň.

Eger ile etjek bolsaň ýagşylyk,
seresap bol, il diýýänler ölse-de,
mazaryndan çykyp geler gürleşip
daşmy-demir, taýak alyp eline,
eger işiň gerek bolsa garyba,
bukulyp et hemem bek bol diliňe.