Sowet gullary
Sowet kolhozçylary 1966-njy ýylyň 1-nji iýulynda aýlyklaryny ilkinji gezek pulda alyp başlapdyr; 1974-nji ýylda bolsa pasport alyp başlapdyr.
Bu watanyň görnüp duran taryhy,
basyp alnan, gul edilen illeri,
üçüsi kem altmyş ýyl öň kolhozda
aýlygyny pulda alyp başlapdyr,
şoňa çenli “zähmet günün” gazanyp,
diňe gara garny üçin işläpdir...
Birisi kem elli ýyl öň eline
pasport diýlen zady alypdyr ýesir,
şoňa çenli çykjak bolsa obadan,
boljak bolsa şäherçede mysapyr,
güwänama almalydy başlykdan,
indi bilýär hossarlaryn jaýlanlar,
nämedigin gul bolmagyň ýaşlykdan,
ýaşamagyň bilmän ýaşaýyş näme,
bu watanyň görnüp duran mazmuny,
doglan gaçmaň gamyn iýýär,
pasport beriň, pasport diýýär.