Akja jüýje oýny

Güýmemeli adamlary,
ýalan-ýaşryk gürrüň bilen,
çyn sözüňi çekmez olar,
götermezler, injik ejiz,
gürleşmeseň, gowy, belki,
ýöne çeke dursaň görüp,
ýigrenerler gaty ilki,
ýeketezek, garasöýmez,
adyň bolar şagal, tilki.

Güýmemeli adamlary,
sylamaýan bir-biregi,
sylan bolýan il ýüzüne,
gepin edýän ýeňsesinden,
gülümsiräp ýüz-gözüne,
akja jüýje oýnun oýnap,
bir zat diýseň, borsuň gara,
güýmenmeli bütin ömrüň,
öz-özüňe salyp ýara.