Iliň güýçsüzligi

Seniň iliň gerek zady bolmasa,
ýa bilmese gerek zadyn esasy,
birinji, ikinji, üçünji diýip,
soramasa, agzyn açyp bilmese,
ýa-da açyp, söz tapmasa degerli,
ýa-da özi ynanmasa sözüne,
islegine çagasynyň, özüniň,
garap bilmän ezijiniň gözüne,
tesýän bolsa, gutarýança gara ýer,
busýan bolsa çöp-çalama, ýene-de
geljek ýaly, ömür berip ýaradan,
gürrüň etme bagty hakda il bilen,
eger millet gerek zadyn almasa,
deňeme hiç iliň güýjün sil bilen.