Dereje derdi

Derejesi başga bolsa, adamlar
beýik bolsun, ýa pes bolsun, ortaça
bir ýerlerde kesişmese, gelmese,
dogan bolsun bir eneden dogulan,
ne gepleşip biler, ne-de tirkeşip,
göz etmän gaş etmez diýilen şondan,
deň etmän duş etmez diýilen şondan,
hem diýilen duş etse-de ýaşatmaz,
işleşmegi hol beýlede goýalyň,
il derdini, başa gelen belany
sebäp edip görkezmäliň ullakan,
derejesi başga bolsa, adamlar
adam däldir, belki, ýapylan dükan.