Lenin pursady

Biz oglandyk, garşy çykdyk ýaraga,
uruş, gowga taýýar däldik, sadadyk,
üstesine adamydyk galamyň,
ynanýardyk dogry sözüň güýjüne,
halallyga, diňe söz bolup galan,
paýhasyna il-ulusyň, aksakgal
ýaşulular gelip töwella etse,
sabyr-kanagata çagyrsa, dursa
dilde, sözde adalatyň ýanynda,
a soňundan gördük ýarag öňünde,
açlygyň öňünde arzanlan millet,
aýagasty edip biri-birini,
boşan süri ýaly eňildi aşak,
indi onuň bir ýetmezi Ulýanow,
pikir edýär döwlet ýeňsesin gaşap.