Geň galýanlar

Geň galýanlar geň galdyrýar,
sag halyna dälihana
taşlanana, basylana,
töhmet bilen gara jaýa,
geň galýanlar geň galdyrýar,
ata-baba ömrizaýa,
ýyldyz ýaly öçýän millet,
basyp alan bilen bile,
tomaşaçy üstesine,
eger-eger çyn sözüni
aýdyp bilmez, diýip bilmez,
bilýär ýogsa örän gowy,
iýjegini iýip bilmez,
geýjegini geýip bilmez,
çünki örän eder heder,
ýylba-ýyldan, ösmek nirde,
göýdük, bahyl bolar beter,
hemem gezek geler bir gün
äkiderler gara jaýa,
geň galýanlar geň galdyrýar,
ata-baba ömri zaýa.