Iň gyzyl alma

Sen adamda gowulygy görersiň,
belki-de bu islegiňden, zandyňdan,
içden gelýän, özüň gowy hasaplap,
bilmän, görmän hatalaryň, hasapsyz,
soň adamlar tanadarlar özlerin,
kesekiniň kemçiligin görmäge
gözüň bardyr, gulaklaryň jam ýaly,
başga many çykararsyň sözünden,
bes edersiň gowulygy görmegi,
saýgarmagy, gözlemegi iň bolman,
hem diýersiň bary şeýle, ýeke men
beýik şahadaky iň gyzyl alma.