Maňa bolan

Maňa bolan saňa bolandyr, millet,
görmedik, bilmedik boljakdyň, emma
meni süýräp, türmä taşlan hökümet,
seni haýsy ýolda ýitirdi bu gün,
nädip, ne günlere getirdi bu gün,
hem içinde, hem daşynda türmäniň,
ýüz gezek türmeden ötürdi, Gadyr
gijesine göz dikdirip ulusy,
men bolmadym seniň ýaly, buýsanjym -
gynanýaryn seniň düşen halyňa,
hem elimden gelse, iş etjek boldum,
derdin diýjek boldum ezilen guluň,
zyýan etjek, arym aljak bolmadym,
hemem, şükür, guly bolmadym puluň.