Bir ýazyjy

Bütindünýä kitap güni, ýadymda,
bir zamanlar azda bolsa umytly,
kitabymyz çykar diýip ýazýardyk,
indi belli, basyp alan, tüpeňli,
türmebaşy otluçöpün gysganýar,
kitap ýakyp ýörmez ýaly soňundan,
çykmagynyň öňün alýar olaryň,
peýdasy ýok hatda internetiň-de,
mekdebi ýumurdy öňünden bilip,
okap, ýazyp bilse, saklatmaz millet,
ýazjaklary ýeke-ýeke ýok etdi,
ýüregini, beýnisini, ýalan däl,
ýalan ýazýan, dogry, az däl, ýeterlik,
çörek atly, il pyýada döwletde,
bir ýazyjy gün deňine göterlip...